今日同媽咪嘈交咗

食完夜晚飯，我因為有嘢同同學傾。所以冇第一時間去洗碗「隔咗20分鐘咁上下」，媽咪同我伯母係度傾偈，佢應該叫咗我兩次，但係我同佢講我同同學有嘢講等陣先。佢話我叫你做少少嘢就要等，寧願喺度玩電話。又唔係耐，就大概20幾分鐘 度。跟住佢話我做嘢懶。

但係我每日起身晾晒全屋企嘅衫，將陽枱嘅果樹大概係十幾棵全部淋晒水。中午夜晚煮飯洗碗。夜晚同樣要收衣服，幫啲果樹淋水。琴日，拖咗2樓廳，同廚房嘅地仲有房間嘅地。今日拖咗3樓嘅房間仲有地，同埋從4樓嘅樓梯級拖到落一樓。

但係佢從來都係話我懶，唔做嘢。今日我遲咗去洗碗，跟住話咗我一餐。佢話「人哋喺度見到啲碗唔好」咁又唔係街外人，你話你哋嘅朋友嗰啲叔叔阿姨喺度傾偈，先話放喺度唔好啫。我做家務嘅時候佢唔會講我勤力，我遲少少做家務嘅時候佢會一直話我懶。 確實係有同我同我傾呀嘛，我有同佢解釋過㗎，咁係咪啲碗遲少少洗會爛。 佢話「叫親你做嘢，次次都係咁，冇次係即刻嘅」佢話「從呢啲小事就可以睇出你平時嘅工作態度係點」

知道佢哋係愛我嘅，但係呢種溝通嘅方式係咪太過窒息呢？ 我真係接受唔到囉🥲🙂‍↔️😫