本app新手入門

收到好多messages話唔太識用

我集合左大家既常見問題 方便了解我地

1. 同threads/連登有咩分別？

我哋嘅宗旨係希望提供方便易用嘅討論交友程式俾大家

雖然非常欣賞連登作為一個本土平台 但奈何複雜嘅驗證，令到好多人卻步 加上我哋希望每個人都可以有屬於佢哋自己嘅圈子/版，喺入邊分享討論佢哋鍾意嘅事 催生咗一個新嘅app嘅想法

相反threads/dcard等固然好用，不過始終唔係專精於本地資訊，有時難以共鳴。

2. 點解咁多bugs?

我哋係全自費營運 未有咁多人做uesr testing 同 feedback 所以你可能成日見到奇怪嘅bug 不過應該唔影響正常使用 絕大部份時候你熄咗個app（from background) 再重開，應該就OK

3. 無廣告無收錢點賺錢？

冇錯 暫時係賺唔到錢 不過營運成本未去到超大 如果真係好多人用我哋先會逼不得已採取一啲措施去保障營運成本 敬請見諒

4. Post左既野無得delete? 暫時只可以delete你post過既posts comments未有 注意返所有嘢都係公開的 請避免透露個人敏感資訊

5. 點樣防止惡意訊息？ 你可以選擇檢舉文章或用戶 我地會盡力及時處理

6. 圈子/社群有咩用？ 係你既圈子入面你就係版主 所有你post嘅嘢都會用圈子嘅名義發佈 其他人都可以喺你訪客版面度留言 一齊討論果個圈嘅野 所以你可以話係有兩重身份 你既profile 同 你個圈子 每個人只可以有一個圈子 所以希望係係入面真心分享你鍾意嘅嘢

7. 點樣filter posts? 喺主頁向左滑兩次 或者點擊主頁icon兩次 可以見到一個選擇版面 亦都可以喺六大公板入邊隨心討論 你可以日日喺入邊睇你嘅圈子 同埋發掘更多圈子 建議有興趣嘅圈子可以追蹤佢 咁就方便啲睇到 留意返暫時我個人創立咗好多圈子作測試用途 所以見到冇嘢唔好覺得係scam🤧

暫時係咁多！如果有興趣可以周圍撳吓個app 或者follow我哋ig/threads/fb 支持下 再有心啲嘅，可以App Store幫我哋寫個Review 或者buymeacoffee🤣🤣🤣

多謝參與hopick