一個鍾意咗8年嘅人

係初一嘅時候我鍾意咗佢，雖然我唔係好鍾意讀書嘅，但係個段時間係我最鍾意返學最美好嘅時光。 我日日早過佢好多返到學校係學校門口等佢幫佢拎書包，日日帶好多嘢食返去俾佢食，開心嘅事同佢講。佢down嘅時候都去陪佢。我哋經常一齊去食晏。有次係食堂出嚟有個同學問佢：點解你對其他人都咁冷漠，係對phk咁熱情嘅。佢：我只同phk （我嚟嘅）好。 令到我嘅心跳停咗下，受寵若驚 有次好耐冇傾偈嘅小學同學見到我，好熱情嘅say hello，佢同我講：你身邊有個人啦咪同其他人講嘢好冇。 課堂上面經常睇我對我做好多搞笑嘅表情，飲過我支水，又攬過我。唔舒服又搵我，去廁所都係我陪佢。 我以為佢都鍾意我嘅咁我個friend條女幫我問過佢。 問佢嗰陣時佢面好紅笑得好開心。我以為OK咗！到我去表白嘅時候佢話 以後離我遠啲 嗰一刻我好似被閃電擊中咗成個人short咗，後尾我有問佢點解喎？佢冇回應。跟著日日係學校同班好尷尬。分咗班呢又係同一個數學老師，經常兩個班上課。 佢 都係經常望我搞到我心亂晒。 畢業典禮時佢係班最前面我一眼就見到佢望實我，我唔夠膽望佢先，我望住個天空直到落台。 高中時候係最難過嘅， 佢嘅事，佢嘅樣我一直冇辦法放低。企圖聯繫返佢，但係都係冇用。有次我夢見佢醒咗之後個心好痛好似俾人劏開咁，喊到成身發抖，起晒雞皮，大啖透氣都順唔返條氣。此後就係各種回憶中渡過。鍾意咗佢8年，由識佢到散場只用左一年，後尾7年都係係個腦掛住佢。直到考大學後問佢啲frd，話；我哋唔係同個班好耐冇玩啦。先知道我同佢此世無緣！！！我依家諗起佢都係會有啲心赤赤痛嘅感覺。 雖然長篇大論但係佢係我最用力鍾意過嘅人