第一章 初戀

暴雨不規則地散落在會所外的泳池中，啪嗒啪嗒作響，如同心臟急促跳動。混亂的天氣對比窗內的沉默顯得格外突兀。

池水映照在逸希冷俊的臉上，水波粼粼，為本就寒冷的天氣更添冷意。

「咚！」突如其來的下跪聲打破沉默。

「逸希……對唔住，原諒我好唔好……我知錯……我真係知錯……」美宜哽咽，聲音顫抖，仿佛下一秒就會散掉。

逸希雙手插在褲袋，180的身高被光影放大得像巨人一樣，冷冷俯視着，不帶一絲感情。

「好漢不吃回頭草，我地玩完架啦。」

美宜緊抱得更緊，甚至想用全身貼住逸希，「我……我唔想冇你……你係我第一次……我第一次鍾意嘅人……」

「派帽俾我果陣唔見你咁講？我傷心欲絕嘅時候你係邊？依家隔左四個月，無人陪你過聖誕先黎搵番我？」

逸希轉身離開，背影拉長在雨中，步伐堅定卻帶着哀傷。臉上雖然盡力保持冷峻，但眼角濕潤，藏唔住的淚水順着輪廓滑落。

無錯，逸希初戀就俾人綠左。

---

聽人講初戀，永遠都係最刻骨銘心。 但我記得的事寥寥無幾，除了美宜令人詫異的反差。

美宜，留着及肩的黑色直髮，眼神清澈如晨露，五官秀麗卻不嬌柔。佢總是面帶溫和笑容，無論對同學還是老師，都充滿耐心。學業成績優異，作業工整，每一次小考大考都名列前茅，溫柔善良的性格使她成為全級公認的好學生。家境殷實，係一間充滿公屋仔既學校算係數一數二的好女生。

逸希？高高瘦瘦，說不上好說不上壞，唯一的優點可能就是他那自認的幽默感，和樂於助人的性格。

就咁，呢對性格好唔同嘅同桌，喺課室入面，一個細心，一個調皮，擦出咗青春最初嘅火花。

一切要由中三的情人節說起。

「送俾你呀，番屋企先睇喎」 逸希接過美宜送來的一大盒朱古力，用的是Mrs. Cookie 盒，$30 一塊的曲奇逸希從未食過，更不用說是女孩子送的。

「逸希，will you be my BF?」 正當逸希傻傻的打開盒子，以為有好野食的時候，應入眼前的竟然是親手溶化，倒模製作的精美朱古力。

十五年過去，呢盒朱古力仲保存逸希的秘密櫃筒，如同呢段故事一樣，留在心中。