同學鼓掌既presentation 😳😳😳

全文按此

畢業功課：威尼斯「摩西計劃」和香港物管實務。

節錄

​而相比喺香港，經歷左「天鴿」同「山竹」等等引發大浪拍上天台、全村大水浸既天災之後，法律界線都已經變得好清晰喇。

​例如，當年地鐵物業部最初想用大廈公契嘅免責條款做靠山出招，一口咬定「不可抗力天災」做擋箭牌，但後來就出事喇！

​受損車主同買咗全保既汽車保險公司，決定行使「代位權（英文係Subrogation）」係既，我特登去查咗呢個法律字眼，即係喺呢件事上面，會由保險公司去代當事人入稟法院，向屋苑財政追討。

三個鐵證，​佢地就憑三個好大既人為疏忽鐵證，成功反擊地鐵物業部：

​一， 前線保安延誤通報車主水浸，時間幾乎足足兩個小時。

​二， 未有及時放置足夠嘅防洪沙包等設備擋水。

​三， 抽水泵等機電設施，當初就錯誤安裝喺地下底層（水浸高危區），導致想去抽水時都已經浸晒，無辦法取用。

​呢三大鐵證，最後係迫地鐵喺庭外秘密賠償咗幾千萬，即係庭外和解，喺日後案例上面買個平安。咳咳，機構大就係咁架喇。